Rooibaard Red Oorspronklike Peri
Made in South Africa
Delivery time
Typically arrives within 3-8 working days.
Rooibaard is nie net ’n smaakvolle toevoeging tot jou steak, wors, hoender of mielie nie, hy is die vriend wat jou herhinner aan die vreugde van Suid Afrikaanse lewe; geleenthede vir lag en connection, en die hoop vir ’n gesamentlike, positiewe toekoms, veral om ‘n lekker braai.
Rooibaard is die spreekwoordelike
Suid-Afrikaanse man.
Hy is trots, sterk wanneer dit saak maak, en lojaal. Sy wortels loop diep in Afrika grond en hy het sy land onomwonde lief. Hy hou van die lewe en van die dinge wat ons land uniek maak.
Braai, bos, sy bakkie, die wildtuin, jag, visvang, gesellige vuurtjies, sy familie en vriende, die uiteenlopende natuurstreke regoor Suid-Afrika, seevakansie, die berge en natuurlik sport – veral die Springbokke.
Rooibaard is trots op sy Afrikaanse herkoms, maar hy weet en glo daar is vir elke ras, taal, en kultuur ’n hoopvolle plekkie onder ons pragtige Suid-Afrikaanse son. Hy weet almal se herkoms is nie dieselfde nie, maar nes almal het hy hoop vir ’n gesamentlike toekoms, vol belofte en saamstaan as ‘n verenigde nasie.
Hy geniet die geleenthede om sy familie en vriende om hom te hê – ’n lekker Sondagmiddag braai, grappies maak, en rugbyballe pass. Hy glo in die krag van samesyn en in die diep betekenis wat ons deel as die Reënboognasie. Hy lag maklik en hou van diep dink. ‘n Lekker storie kom net so maklik soos introspeksie en graag iets deel wat impak maak.
Soos elke Suid Afrikaner hou hy van lekker braai en lekker eet. Braai en kosmaak gaan nie net oor voeding nie, dit is ‘n ervaring. Sielskos. Rooibaard verstaan dat die lewe gaan nie net oor kos nie, maar saam eet en die spreekwoordelike brood breek is ‘n dieper konneksie, wat ons almal nodig het. En om mense saam te bring, om die braai, langs die vuur of by die etenstafel, is Rooibaard se roeping.